BQO-da kúshti jelden taǵy bir nysannyń shatyry ushty
ORAL. QazAqparat - Batys Qazaqstan oblysynda kúshti jelden taǵy bir nysannyń shatyry ushyp ketti, dep habarlaıdy «QazAqparat» tilshisi.
BQO TJ departamentiniń baspasóz qyzmetinen túsken málimetke qaraǵanda, keshe saǵat 15.00-de Shyńǵyrlaý aýdany ortalyǵy Shyńǵyrlaý aýylynda A.Qunanbaev kóshesindegi qos qabatty mektep ǵımaraty sport zalynyń shatyry qulaǵan. Aýmaǵy 250 sharshy metrdi quraǵan. Jeldiń ekpini sekýndyna 19 metrge deıin jetken.
Zardap shekkender joq.
Eske sala keteıik, keshe sondaı-aq saǵat 20.45 shamasynda Qaratóbe aýylynda Q.Jumalıev kóshesindegi jeke monshanyń shatyry ushqan bolatyn.
Qazirgi kezde eki oqıǵa boıynsha da arnaıy komıssııa jumys jasaýda.
