BQO-da kúshti jel saldarynan aǵash avtokólikke qulap, úıdiń shatyry ushty

ORAL. QazAqparat – Batys Qazaqstan oblysynda kúshti jel saldarynan aǵash avtokólikke qulap, úıdiń shatyry ushty, dep habarlaıdy QazAqparat tilshisi.

BQO Tótenshe jaǵdaılar departamentiniń baspasóz qyzmetinen málim etkendeı, 29 shilde kúni saǵat 15.54-te Oral qalasynda Gagarın kóshesi 2/5-mekenjaıynda aǵash avtokólikti basyp qalǵan.

Habarlama túsken kezde júrgizýshi avtokólikten shyǵa almaı otyrǵan. Oqıǵa ornyna jetken qutqarýshylar aǵashty kesip, avtokólikti bosatty. Jumys saǵat 16.40-ta aıaqtaldy.

«Sondaı-aq búgin Terekti aýdany Podstepnyı aýylynda saǵat 17.00-de ekpini sekýndyna 13 metrge deıin jetken jel bir qabatty tórt páterlik úıdiń shatyryn (50 sharshy metr) julyp túsirdi. Oral kóshesi 15-mekenjaıda ornalasqan úıdiń jalpy aýdany – 180 sharshy metr. Zardap shekkender joq», - dep habarlady vedomstvodan.

Oral qalasy turǵyndarynyń sózine qaraǵanda, birneshe kóshede aǵashtar qulap, qolaısyzdyq týdyrǵan jáne avtokólikterge zaqym keltirgen.