BQO-da kúshti jel mekteptiń shatyryn julyp ketti
ORAL. QazAqparat – Batys Qazaqstan oblysynda kúshti jel mekteptiń shatyryn julyp ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 24 aqpan kúni Tasqala aýdany Mereı aýylynda boldy.
Sekýndyna 18 metrge deıin jetken jeldiń ekpininen mekteptiń 600 sharshy metr shatyry ushyp ketken. Ǵımarattyń jalpy aýdany – 700 sharshy metr.
1977 jyly salynǵan ǵımarat 2015 jyly kúrdeli jóndeýden ótkizilgen.
Zardap shekkender joq.
Oqıǵa ornynda jergilikti atqarýshy organnyń komıssııasy jumys istedi.
Eske sala keteıik, budan buryn qatty aıazǵa baılanysty Oralda 1-9 synyp oqýshylary qashyqtan oqıtynyn, BQO-da 14 eldi mekenniń jaryqsyz qalǵanyn jazǵan bolatynbyz.
