BQO-da kúshti jel mektep pen turǵyn úılerdiń shatyryn julyp áketti
ORAL. QazAqparat – Batys Qazaqstan oblysynda kúshti jel mektep pen turǵyn úılerdiń shatyryn julyp áketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, 5 tamyz kúni saǵat 20.30-da Aqjaıyq aýdany Qýraılysaı aýyldyq okrýgi Juban eldi mekeninde kúshti jel Talap mektep-balabaqsha kesheni shatyryn (aýmaǵy 20 sharshy metr) julyp túsirdi.
Eki qabatty ǵımarattyń jalpy aýdany – 3310 sharshy metr, 1981 jyly salynǵan mektep 2009 jyly jóndeýden ótken.
Sol sekildi 5 tamyz kúni saǵat 19.00-de Syrym aýdany Taldybulaq aýylynda qatty jel saldarynan 11 turǵyn úıdiń shatyry (65 sharshy metr) sypyrylyp tústi.
Sondaı-aq 10 sharýashylyq qurylysynyń shatyryna ishinara nuqsan keldi.
Úsh elektr baǵany qulap, 30 abonent (barlyǵy 116 abonent, sonyń ishinde 4 áleýmettik mekeme) jaryqsyz qaldy.
Oqys oqıǵadan eshkim zardap shekken joq.
Eske sala keteıik, budan buryn Aqsaı qalasynda 20 jastaǵy jigittiń 8-qabattan qulap ketkenin jazǵan bolatynbyz.
