BQO-da kúshti jel birneshe ǵımarattyń shatyryn julyp áketti
ORAL. QazAqparat – Batys Qazaqstan oblysynda kúshti jel birneshe ǵımarattyń shatyryn julyp áketti, dep habarlaıdy QazAqparat tilshisi.
BQO TJ departamentiniń aǵa ınjeneri Indıra Óteshevanyń aıtýynsha, oqys oqıǵa 12 sáýir kúni Jánibek jáne Tasqala aýdandarynda oryn aldy.
Jyldamdyǵy sekýndyna 20 metrge deıin jetken qatty jeldiń saldarynan Jánibekte eki, Tasqalada bir ǵımarattyń shatyry ushty.
Zardap shekkender joq.
Qazirgi kezde oqıǵanyń jaı-japsary, keltirilgen shyǵyn anyqtalý ústinde.
BQO TJ departamenti aýa raıyna baılanysty eskertý jarııalanǵan kezde turǵyndardyń saq bolý qajettigin eskertedi.
Eske sala keteıik, budan buryn Batys Qazaqstan oblysynda jel kúsheıip, tuman túsetinin jazǵan bolatynbyz.
Keshe keshten bastap Oral qalasynda da jel kúsheıip, qar jaýdy.
