BQO-da kúshti jel 120 sharshy metr qora shatyryn julyp áketti

ORAL. QazAqparat - Batys Qazaqstan oblysynda kúshti jel sharýashylyq qurylysynyń shatyryn julyp áketti, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa 20 maýsym kúni saǵat 21.30-da Bórli aýdany Býmakól aýylynda boldy.

«Ekpini sekýndyna 23 metrge deıin jetken qatty jel saldarynan aýyl shetinde ornalasqan «Bıjanov» sharýa qojalyǵyna tıesili qoranyń 120 sharshy metr shatyryn sypyrylyp tústi. Qurylystyń qujaty joq, jalpy aýdany - 300 sharshy metr. Qabyrǵasy saman tastan qalanǵan, tóbesi proflıspen jabylǵan. Zardap shekkender joq», dep habarlady vedomstvodan.

Keshe Oral qalasynda da kúshti jel turyp, seldetip nóser jaýyp ótti.

Eske sala keteıik, budan buryn Batys Qazaqstanda turmystyq tehnıka tıelgen júk kóligi janyp ketkenin jazǵan bolatynbyz.