BQO-da qurylys kompanııasynyń eki qyzmetkerin uryp-soqqan kúdiktiler ustaldy
ORAL. KAZINFORM — Batys Qazaqstan oblysy Jańaqala aýdanynda densaýlyqqa qasaqana zııan keltirý deregi boıynsha tórt kúdikti qolǵa tústi.
BQO polıtsııa departamentiniń baspasóz qyzmetinen málim etkenindeı, oqıǵa 19 shilde kúni shamamen saǵat 15.00-de Jańaqala-Chapaev joly boıynda boldy.
— Barlyq kúdiktiler anyqtalyp, ustaldy. Qazirgi kezde olar ýaqytsha ustaý ızolıatoryna qamaldy. Oqıǵanyń mán-jaıyn tolyq anyqtaý maqsatynda qajetti tergeý amaldary júrgizilip jatyr. Qylmystyq istiń tergelýi departament basshylyǵynyń erekshe baqylaýynda, — dep habarlady vedomstvodan.
Turǵyndardyń sózine qaraǵanda, kúdiktiler jol salýshy «Anýsh Qurylys» JShS-nyń eki qyzmetkerin uryp soqqan. Olardyń bireýi — armenııalyq azamat.
Eske sala keteıik, budan buryn BQO-da tenderdi jeńip alǵan depýtattyń kompanııasy jol salmaı otyrǵanyn jazǵan edik.