BQO-da qurylys alańynda kran qulap, er adam mert boldy
ORAL. KAZINFORM — Batys Qazaqstan oblysy Báıterek aýdany Mıchýrın aýylynda qaıǵyly oqıǵa boldy.
BQO polıtsııa departamentiniń baspasóz qyzmetinen málim etkenindeı, 7 qarasha kúni kópqabatty turǵyn úıdiń qurylys alańynda kran qulap ketti.
Oqıǵa saldarynan kranshy sol jerde jan tapsyrdy.
— Atalǵan derek boıynsha sotqa deıingi tergeý amaldary bastaldy. Qajetti tergeý júrgizilip, oqıǵanyń barlyq mán-jaıy anyqtalyp jatyr. Basqa aqparat Qylmystyq-protsestik kodekstiń 201-babyna sáıkes jarııalaýǵa jatpaıdy, — dep habarlady vedomstvodan.
Turǵyndardyń sózine qaraǵanda, oqıǵa Prıdorojnaıa kóshesi 87-úıdiń qurylys alańynda boldy.
Eske sala keteıik, budan buryn Batys Qazaqstanda mototsıkl aýdarylyp, er adam kóz jumǵanyn jazǵan bolatynbyz.
