BQO-da qupııa aqparatty jazyp alýǵa arnalǵan tehnıkalardy satyp júrgen azamat ustaldy - QR ІІM brıfıngi
ASTANA. 14 naýryz. QazAqparat - Batys Qazaqstan oblysynda qupııa aqparatty jazyp alýǵa arnalǵan tehnıkalyq quraldardy satyp júrgen azamat ustaldy.
Bul týraly búgin Astanada ótken brıfıngte Іshki ister mınıstrliginiń resmı ókili Nurdildá Oraz málim etti.
«Batys Qazaqstan oblysynyń qyzmetkerleri jedel aqparatty tekserý kezinde oblys ortalyǵyndaǵy saýda úıiniń mańynda arnaıy tehnıkalyq quraldardy zańsyz satyp júrgen qalanyń 39 jastaǵy turǵynyn quryqtady. Tintip, tekserý barysynda odan jasyryn aqparatty jazyp alýǵa arnalǵan kamera men aýdıo-beıne jadylary engizilgen 3 qalam jáne 4 salpynshaq (brelok) tárkilendi»,-dep toqtaldy resmı ókil.
Onyń sózine qaraǵanda, QR Qylmystyq kodeksiniń 143-baby, 3-bóligi boıynsha ıaǵnı, arnaıy tehnıkalyq quraldardy zańsyz satý faktisi boıynsha qylmystyq is qozǵaldy. Qazirgi kezde tergeý amaldary júrgizilýde.
N. Orazdyń aıtýynsha, atalǵan quraldardy zańsyz satqany úshin 500-den 2000 aılyq eseptik kórsetkish kóleminde aıyppul salynady nemese 3 jylǵa deıin bas bostandyǵynan aıyrylýy múmkin.
