BQO-da quny 17 mln teńgeden asatyn kıik múıizin alyp bara jatqandar ustaldy
Oqıǵa 2021 jyldyń 20 aqpanynda bolǵan. Batys Qazaqstan oblysy boıynsha Ulttyq qaýipsizdik komıteti Shekara qyzmeti departamentiniń áskerı qyzmetshileri BQO boıynsha Ekonomıkalyq qylmystardy tergeý departamenti jáne oblystyq PD Krımınaldy polıtsııa basqarmasymen birlesip, júksalǵyshyna 219 kıiktiń jańa kesilgen múıizderi tıelgen jeńil avtokólikti ustady, dep habarlaıdy QazAqparat vedomstvonyń baspasóz qyzmetine silteme jasap.
Ustalǵan azamat kóliktegi júgimen birge Oral qalalyq polıtsııa basqarmasynyń Zachagan polıtsııa bólimine tapsyryldy.
Tasymaldaýshy - Qazaqstan azamatyna qatysty QR Zańy QK-niń 339-baby (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha qylmystyq is qozǵaldy.
Aldyn ala esep boıynsha keltirilgen shyǵyn 17440000 teńgeni quraıdy.
