BQO-da quny 1 mlrd teńgeden asatyn taýardy shekaradan zańsyz ótkizbek bolǵandar ustaldy

NUR-SULTAN. QazAqparat - 2020 jyldyń mamyr aıynda Batys Qazaqstan oblysy boıynsha Memlekettik kirister departamenti eksporttyq baqylaý qyzmetkerleri «Syrym» avtomobıl ótkizý pýnktinde memlekettik shekaradan ótip bara jatqan kezde 10-nan astam ataýy bar deklaratsııalanbaǵan taýar salynǵan 15 júk kóligin ustady.

Almatydan Reseıdiń Penza oblysyna baǵyt alǵan «SERTTRANS» JShS-ne tıesili taýar quny 1 mlrd 003 mln teńge, sl salmaǵy 263 000 keli boldy.

Júk kólikterin tekserý kezinde taýarlyq-ilespe qujattarynsyz áketýge tyıym salynǵan qosymsha dárilik zattar, antıseptıkter, jeke qorǵaný quraldary da tabyldy.

Budan basqa, tasymaldaýshy halyqaralyq úlgidegi CMR taýar – kólik júk qujattaryn usyndy, onda júkti jóneltýshi «SERTTRANS» JShS bolyp kórsetilgen.

Іs júrgizý barysynda «SERTTRANS» JShS-niń ustalǵan taýarǵa qatysy joq ekeni anyqtaldy, sonymen qatar atalǵan zańdy tulǵany memlekettik tirkeý jaramsyz dep tanyldy.

«Alaıda, úshinshi tulǵalar tarapynan jasalǵan tasymaldaý sharty men satyp alý-satý shartynyń bolýyn ýájdeı otyryp, ustalǵan taýarǵa menshik quqyǵyn málimdeý áreketi júzege asyryldy.

Osyǵan baılanysty, BQO jáne Almaty qalasy boıynsha Memlekettik kirister departamentteri birlesip atalǵan sharttardy jaramsyz dep tanydy, sot aktileri zańdy kúshine endi.

Budan ári, Departament úshinshi tulǵalardyń sot aktileri negizinde oryn alǵan talaptardy alyp tastaı otyryp, Oral qalasynyń №2 sotyna ustalǵan taýardy ıesiz dep taný jáne ony memleket kirisine aınaldyrý týraly ótinishpen júgindi.

Sottyń 2022 jylǵy 22 aqpandaǵy sheshimimen Departamenttiń málimdelgen talaptary tolyq kólemde qanaǵattandyryldy. Sheshim zańdy kúshine engen joq»,-delingen habarlamada.