BQO-da quny 75 mln teńgeden asatyn jer memleket menshigine qaıtaryldy
ASTANA. KAZINFORM – Batys Qazaqstan oblysy Syrym aýdanynyń prokýratýrasy jalpy aýdany 6 200 gektardan astam aýyl sharýashylyǵy maqsatyndaǵy jerlerdi tıimsiz paıdalaný faktilerin anyqtady.
Aýdannyń jer paıdalanýshylary jer zańnamasynyń talaptaryn buza otyryp, uzaq ýaqyt boıy jer ýchaskelerin nysanaly maqsaty boıynsha paıdalanbaǵan. Prokýrorlyq qadaǵalaý sharalarynyń nátıjesinde jalpy aýdany 6 200 gektardan astam, kadastrlyq quny 75 mln teńgeden asatyn jer ýchaskeleri memleket menshigine qaıtaryldy.
Bas prokýratýra málimetinshe, qazirgi ýaqytta atalǵan jer ýchaskeleri zańdy ekonomıkalyq aınalymǵa engizilip jatyr.
Sonymen qatar jergilikti atqarýshy organdar Memleket basshysynyń tapsyrmalaryna sáıkes qaıtarylǵan jerlerdi aýyldyq jerlerde turatyn adal nıetti sýbektilerge paıdalanýǵa berýge baǵdarlanǵan.
Aıta keteıik, elimizde paıdalanylmaı jatqan jáne zań talaptaryna sáıkes kelmeıtin 1 mln gektardan astam aýyl sharýashylyǵy maqsatyndaǵy jer memleket menshigine qaıtaryldy.
Jetisý oblysynda paıdalanylmaı jatqan 200 gektar aýyl sharýashylyǵy jeri memleket menshigine qaıtaryldy.
