BQO-da quny 38 mln teńge turatyn jer memleketke qaıtaryldy
ORAL. KAZINFORM — Batys Qazaqstan oblysy Syrym aýdanynda jer paıdalanýshylardyń Jer kodeksiniń talaptaryn buzǵany anyqtaldy.
BQO prokýratýrasynyń baspasóz qyzmetinen málim etkenindeı, olar uzaq ýaqyt boıy aýyl sharýashylyǵy jerlerin óz maqsatyna sáıkes paıdalanbaǵan.
- Qadaǵalaý aktileri boıynsha kadastrlyq quny 38 mln teńgeden asatyn jalpy aýdany 5 myńnan astam gektar jer telimderi memleket menshigine qaıtaryldy. Qazirgi ýaqytta bul jerlerdi zańdy ekonomıkalyq aınalymǵa tartý jumystary júrgizilip jatyr, - dep habarlady vedomstvodan.
Jergilikti atqarýshy organdar Memleket basshysynyń 2024 jylǵy 2 qyrkúıektegi Joldaýy aıasynda qaıtarylǵan jerlerdi ony ıgerýge qulshynǵan aýyl turǵyndaryna berýge baǵdar ustaýy tıis.
Eske sala keteıik, budan buryn Batys Qazaqstanda 3,5 myń gektar aýyl sharýashylyǵy jeri memleket menshigine qaıtarylǵanyn jazǵan edik.