BQO-da kún jylynyp, qardyń erýine baılanysty sý deńgeıi kóteriledi
ORAL. QazAqparat - Batys Qazaqstan oblysynda kún jylynyp, qardyń erýine baılanysty sý deńgeıi kóteriledi, dep habarlaıdy QazAqparat tilshisi.
«Qazgıdromet» RMK BQO fılıalynyń málimeti boıynsha 22-23 naýryz aralyǵynda kúnniń jylylyǵyna qosa jaýyn-shashyn da túsedi.
Soǵan oraı qar kúrt erip, ózenderde muz qabaty álsirep, sý deńgeıi kóteriledi.
Osyǵan baılanysty BQO TJ departamenti eskertý jarııalady.
«Qazirgi kezde turǵyndar arasynda tótenshe jaǵdaılardy boldyrmaý, ómirlik mańyzy zor nysandardyń qalypty qyzmetin qamtamasyz etý maqsatynda tıisti sharalar qolǵa alynýda», dep habarlady QazAqparat tilshisine TJ departamentinen.
Eske sala keteıik, budan buryn BQO-da 60-tan astam avtokóliktiń qar qursaýynan qutqarylǵanyn, Oralda qar qylaýlap jaýyp turǵanyn jazǵan bolatynbyz.
