BQO-da kún raıynyń nasharlaýyna baılanysty eki respýblıkalyq jol jabyldy

ORAL. QazAqparat – Batys Qazaqstan oblysynda kún raıynyń nasharlaýyna baılanysty jol jabyldy, dep habarlaıdy QazAqparat tilshisi.

«QazAvtoJol» JShS BQO fılıalynyń málimetine qaraǵanda, 19 aqpan kúni saǵat 11:20-dan bastap respýblıkalyq mańyzy bar Chapaev-Jalpaqtal-Kaztalov-RF shekarasy (0-213 km, Chapaevtan Kaztalovqa deıin) jolynda barlyq kólik túrleri úshin qozǵalysqa shekteý qoıyldy.

Sondaı-aq, saǵat 14:30-dan bastap respýblıkalyq mańyzy bar Atyraý-Oral (372-189 km, Chapaevtan Atyraý oblysynyń shekarasyna deıin) joly qoǵamdyq jáne júk kólikteri úshin jabyldy.

Jabylý sebebi – boran, joldyń kórinýiniń nasharlaýy.

Osyǵan baılanysty BQO TJD eskertý jarııalanyp, tótenshe jaǵdaılardyń aldyn alý úshin tıisti sharalardyń alynyp jatqanyn jetkizdi.

Eske sala keteıik, budan buryn BQO-da eki respýblıkalyq jolda kólik qozǵalysy shektelgenin jazǵan bolatynbyz.