BQO-da «Quqyqtyq tártip» sharasy aıasynda bir kúnde 24 qylmys ashyldy
ORAL. QazAqparat - Batys Qazaqstan oblysynda 23-25 tamyz aıasynda ótip jatqan «Quqyqtyq tártip» jedel aldyn alý sharasy aıasynda bir táýlikte 24 qylmys ashyldy, dep habarlaıdy «QazAqparat» tilshisi.
BQO ishki ister departamenti baspasóz qyzmetinen túsken málimetke qaraǵanda, sonyń ishinde izdestirilýde júrgen eki kúdikti quryqtaldy. Sonymen qatar «Quqyqtyq tártip» sharasynyń alǵashqy kúninde 465 ákimshilik zańbuzýshylyq tirkeldi. Sonyń ishinde 168 qoǵamdyq tártipti buzýshylyq anyqtaldy. Oǵan qosa 15 júrgizýshi mas kúıinde kólik rýline otyrǵany, 35-i uıaly telefondy qoldanǵany, 60-y jyldamdyqty arttyrǵany, 20-sy qaýipsizdik beldigin taǵynbaǵany, beseýi qarsy betke shyǵyp ketkeni úshin jaýapqa tartyldy.
QR Kóshi-qon zańnamasyn buzǵany 20 ákimshilik hattama toltyrylyp, qabyldap-taratý ornyna 35 adam ornalastyryldy.
Atalmysh shara odan ári jalǵasýda.
