BQO-da kýáligi joq júrgizýshi jol erejesin bir kúnde 13 ret buzǵan

ORAL. QazAqparat - Batys Qazaqstan oblysynda kýáligi joq júrgizýshi jol erejesin bir kúnde 13 ret buzǵan, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, 21 jastaǵy júrgizýshi oǵan qosa «Mersedes» avtokóligin jalǵan nómirlermen aıdaǵan.

«Atalmysh júrgizýshi túngi saǵat 00.00-den tańǵy 07.00-ge deıin 13 ret jyldamdyqty shekten tys asyryp aıdaǵan. Barlyq aıyppul kólemi 310 myń teńgeni qurady. QR Ákimshilik quqyqbuzýshylyq týraly kodeksiniń 592-babyna sáıkes ákimshilik hattama toltyryldy. Barlyq quqyqbuzýshylyq «Prızma-Stos» avtomatty júıesimen tirkeldi. Polıtsııa qyzmetkerleri júrgizýshini «Suncarsmartcity» beınebaqylaý júıesi arqyly ustady. Avtokólik aıyp turaǵyna qoıyldy», - dep habarlady vedomstvodan.

Eske sala keteıik, budan buryn Oralda jol apatynan bes adamnyń zardap shekkenin jazǵan bolatynbyz.