BQO-da kishkentaı qyzdy zorlaý deregi boıynsha qylmystyq is sotqa berildi

ORAL. KAZINFORM — Budan buryn habarlanǵanyndaı, Batys Qazaqstan oblysy Tasqala aýdanynda joǵalyp ketken kishkentaı qyz bir kúnnen keıin tabylǵan bolatyn. BQO polıtsııa departamentiniń baspasóz qyzmetinen málim etkenindeı, qylmysqa kúdikti retinde 32 jastaǵy turǵyn ustaldy.

— Qazirgi kezde sotqa deıingi tergeý aıaqtalyp, qylmystyq is BQO qylmystyq ister jónindegi mamandandyrylǵan aýdanaralyq sotta qaralýda, — dep habarlady vedomstvodan. 

Departamenttiń baspasóz qyzmeti kúdiktige qandaı bap boıynsha aıyp taǵylǵany jóninde málimet bermedi. 

Degenmen BQO prokýratýrasynyń 22 qazan kúni ótken keńeıtilgen alqa otyrysynda Tasqala aýdanyndaǵy atalmysh oqıǵa boıynsha kishkentaı qyzdyń zorlanǵany jóninde derek aıtylyp, tarap ketken bolatyn. 

Eske sala keteıik, budan buryn BQO-da joǵalyp ketken qyz tabylyp, kúdiktige qatysty qylmystyq is qozǵalǵanyn jazǵan edik.