BQO-da Kreşenıe merekesinde 1 400-ge jýyq adam sýǵa shomylyp shyqty
ORAL. KAZINFORM – Batys Qazaqstan oblysynda Kreşenıe merekesinde 1 356 adam sýǵa túsip shyqty.
BQO TJ departamentiniń baspasóz qyzmetinen málim etkenindeı, solardyń 156-sy – balalar. Shomylý kezinde tótenshe jaǵdaı tirkelgen joq.
- Departament qyzmetkerleri dinı shara kezinde qaýipsizdikti qamtamasyz etip jatyr. Osy oraıda dástúrli rásimder ótetin oryndarǵa erekshe nazar aýdaryldy. Ótken jyly da óńirde oqys oqıǵa bolǵan joq, - dep habarlady vedomstvodan.
Oral qalasy ákimdiginiń naqtylaýynsha, bastapqyda shahar boıynsha sýǵa túsýge arnalǵan 11 oryn belgilengenimen, olardyń sany 9-ǵa deıin qysqardy. Atap aıtqanda, Zachagan kentindegi Komıntern jáne qaladaǵy burynǵy «Metallıst» zaýyty aýdanynda muzdyń juqa bolýyna jáne orynnyń jabdyqtalmaýyna baılanysty sýǵa túsýge tyıym salyndy. Qazirgi kezde qalǵan 9 orynda tótenshe jaǵdaı jáne medıtsına qyzmetkerleri kezekshilik etip jatyr.
Eske sala keteıik, budan buryn BQO-da Kreşenıe merekesinde 130-dan astam TJ qyzmetkeri kezekshilik etetinin jazǵan bolatynbyz.