BQO-da Kreşenıe kúni 130-dan astam TJ qyzmetkeri kezekshilik etpek

ORAL. KAZINFORM – Batys Qazaqstan oblysynda Kreşenıe meıramyna baılanysty sý aıdyndarynda turǵyndar qaýipsizdigin qamtamasyz etý maqsatynda TJ departamenti qyzmetkerleri kezekshilik etetin bolady.

BQO TJ departamenti azamattyq qorǵanys basqarmasy bastyǵynyń mindetin ýaqytsha atqarýshy Damır Bekpasovtyń óńirlik kommýnıkatsııalar qyzmeti alańynda ótken brıfıngide málim etkenindeı, sýǵa túsý oryndarynda 18 qańtarda saǵat 23.00-den bastap 20 qańtar saǵat 00.00-ge deıin kezekshilik uıymdastyrylady.

Onyń aıtýynsha, sýǵa shomylý oryndary jergilikti ákimdiktermen bekitiledi.

- Bıyl Oral qalasy aýmaǵynda 11 sýǵa túsý orny belgilendi. Jalpy, oblys boıynsha 21 oryn daıyndalýda. Kezekshilikke barlyǵy 130-dan astam TJD qyzmetkeri jumyldyrylady. Qutqarýshylarmen qatar shomylý oryndarynda polıtsııa departamenti men medıtsınalyq jedel járdem qyzmetkerleri kezekshilik etedi, - deıdi D.Bekpasov.

BQO TJ departamenti turǵyndarda sý aıdyndarynda bolǵan kezde muqııat jáne abaı bolyp, qaýipsizdik erejelerin qatań saqtaý kerektigin eske saldy.

Eske sala keteıik, budan buryn Kreşenıe rásiminde shomylý úshin 250 oryn arnaıy ázirlenetinin jazǵan bolatynbyz.