BQO-da kózinen jaraqat alǵan oqýshyǵa ota jasaldy
ORAL. QazAqparat - Batys Qazaqstan oblysynda kózinen jaraqat alǵan oqýshyǵa ota jasaldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, Jańaqala aýylynda 2008 jylǵy er bala 6 mamyr kúni tańmen sol kózinen jaraqat alǵan.
Oqýshy saǵat 08.40-ta aýdandyq aýrýhanada kóz dárigeriniń qabyldaýynda bolyp, alǵashqy kómek kórsetildi.
«Bala medıtsına qyzmetkerimen birge oblystyq aýrýhananyń oftalmologııa bólimshesine jetkizildi. Kózine ota jasaldy. Jaǵdaıy qanaǵattanarlyq», dedi QazAqparat tilshisine A.Saqposynova.
Eske sala keteıik, BQO-da sabaq kezinde oqýshy kózinen jaraqat alǵan bolatyn.
