BQO-da qojalyq basshysy er adamdy jeti aı boıy quldyqta ustaǵan
ORAL. QazAqparat – Batys Qazaqstan oblysynda sharýa qojalyǵynyń basshysy 43 jastaǵy er adamdy jeti aı boıy quldyqta ustaǵan, dep habarlaıdy QazAqparat tilshisi.
Polisia.kz saıtynan alynǵan málimetke qaraǵanda, bas bostandyǵynan zańsyz aıyrylǵan eradam kún saıyn 18 saǵat boıy mal baqqan.
Kúdikti ony ózi oılap tapqan qaryzdy óteısiń dep qysyp ustaǵan, tyńdamasa, jazalaǵan.
BQO polıtsııa departamentiniń baspasóz qyzmeti naqtylaǵanyndaı, oqıǵa Aqjaıyq aýdanynda boldy.
Polıtsııa qyzmetkerleri «Stop-Trafık» jedel aldyn alý sharasy kezinde atalǵan derekti 11 maýsym kúni anyqtaǵan. 1982 jylǵy turǵyn 43 jastaǵy er adamdy eńbek etýge paıdalaný maqsatynda bas bostandyǵynan zańsyz aıyrǵan.
Qazirgi kezde QR QK 126-babyna (bas bostandyǵynan zańsyz aıyrý) sáıkes sotqa deıingi tergeý amaldary júrgizilýde.
Eske sala keteıik, budan buryn BQO-da jalǵan qujatpen Reseıge taýar áketpek bolǵan 7 júk kóligi ustalǵanyn jazǵan bolatynbyz.
