BQO-da qojalyq basshysy 3 adamdy quldyqta ustap, malyn baqtyryp qoıǵan
ORAL. QazAqparat – Batys Qazaqstan oblysynda qojalyq basshysy úsh adamdy quldyqta ustap, malyn baqtyryp qoıǵan, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkendeı, atalǵan oqıǵa «Stop trafık» jedel aldyn alý sharasy barysynda anyqtalǵan.
Jańaqala aýdanynda H. degen 48 jastaǵy qojalyq basshysy 28, 37 jáne 41 jastaǵy úsh er adamdy qorqytyp, «Maıdan» qystaǵynda on kún boıy zańsyz ustaǵan. 30 qazan men 10 qarasha aralyǵynda malyn baqtyryp, jumysyn jasatqan.
Bulardyń úsheýi de – oblys turǵyndary.
Qazirgi kezde QR QK 126-baby 2-bóligine (bas bostandyǵynan zańsyz aıyrý) sáıkes sotqa deıingi tergeý amaldary júrgizilýde.
Eske sala keteıik, budan buryn BQO-da polıtseıler «sary qyzdyń» elesi jaıly aqparatty tekseretinin jazǵan bolatynbyz.
