BQO-da qoıma otqa orandy
ORAL. QazAqparat - Zelenov aýdany Mıchýrın aýylynda qomaqty qoıma otqa orandy, dep habarlaıdy QazAqparat tilshisi.
Batys Qazaqstan oblystyq Tótenshe jaǵdaılar departamentiniń baspasóz qyzmetinen túsken málimetke qaraǵanda, qoımanyń 190 sharshy metr aýmaǵy órtenip jatqany jóninde habar 19 qazan kúni saǵat 14.50-de túsken.
Órttiń saldarynan qoıma jartylaı opyrylǵan. Qoımanyń jalpy alańy - 270 sharshy metr.
«Tilsiz jaý» 18.57-de oqshaýlanyp, 19.08-de aýyzdyqtaldy.
Oqıǵa ornynda jeke quramnan 11 adam 2 tehnıkamen jumys jasady.
Qazirgi kezde órttiń shyǵý sebebi, keltirilgen shyǵyn anyqtalý ústinde.
Osyǵan deıin Batys Qazaqstan oblysynda turǵyn úıdegi órtten er adamnyń kóz jumǵandyǵyn habarlaǵanbyz.
