BQO-da qos jeńil kólik soqtyǵysyp, bir adam kóz jumdy
ASTANA. QazAqparat - Batys Qazaqstan oblysynda qos jeńil avtokólik soqtyǵysyp, alty adam jaraqat alyp, bireýi kóz jumdy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa keshe saǵat 14.00 shamasynda «Oral-Atyraý» jolynyń 244-shaqyrymynda Aqjaıyq aýdany Atameken aýyly tusynda oryn aldy.
"Nıssan" jáne "Shkoda" avtokólikteri soqtyǵysyp, alty adam jaraqat aldy.
Olardyń bári de er adamdar. Aqjaıyq aýdandyq ortalyq aýrýhanasyna, bireýi keıin Oraldaǵy qalalyq aýrýhanaǵa jetkizildi. Ekinshisine sanavıatsııamen dárigerler keldi, alaıda ol ota ústinde qaıtys bolyp ketti. Qalǵandary ambýlatorııalyq em alýǵa jiberildi.
Eske sala keteıik, keshe Batys Qazaqstanda boran bolyp, seksenge jýyq kóliktiń qar qursaýynan shyǵarylǵanyn jazǵan bolatynbyz. Keshe sondaı-aq osy Aqjaıyq aýdany aýmaǵynda "Folksvagen Sharan" men "Skanııa" júk kóligi túıisip, 1993 jáne 1987 jylǵy eki er adam jeńil jaraqat aldy.
