BQO-da qos mınıven soqtyǵysyp, eki adam qaza tapty
ORAL. QazAqparat - Keshe saǵat 17.40-ta Oral-Atyraý jolynyń 94-shaqyrymynda iri jol apaty boldy, dep habarlaıdy «QazAqparat» tilshisi.
BQO ІІD jergilikti polıtsııa qyzmetiniń basshysy, polıtsııa polkovnıgi Manarbek Ǵabdýllınniń aıtýynsha, Atyraýdan kele jatqan «Ford Galaksı» avtokóligi aldyndaǵy kólikti basyp ozamyn dep, qarsy betke shyǵyp, Jańaqala aýdanyna bet alǵan «Folksvagen Sharan» avtokóligimen soqtyǵysqan. Jol apaty Aqjaıyq aýdany Býdarın aýyly mańynda bolǵan. Sonyń saldarynan qos kóliktegi 1972 jáne 1974 jylǵy eki áıel adam qaza tapqan. «Ford Galaksıde» 4, «Sharanda» 6 jolaýshy bolǵan. Olardyń jaraqat alǵandary Aqjaıyq aýdandyq aýrýhanasyna jetkizilgen.
Keshe óńirde qar jaýdy ári oqıǵa keshkisin, jol ústi onsha kórinbeıtin ýaqytta bolǵan. Sol sátte qarsy bette «KamAZ» avtokóligi de kele jatqan.
Qazirgi kezde oqıǵanyń mán-jaıy anyqtalý ústinde.
Aıta keteıik, «Sharan» avtokóliginiń qatysýymen mundaı iri jol apaty BQO-da budan buryn da oryn alǵan bolatyn.
