BQO-da qos avtokóliktiń túıisýi saldarynan jolaýshy kóz jumdy
ORAL. QazAqparat - 13 tamyz kúni keshki saǵat 21.00-der shamasynda Oral-Atyraý kúre jolynyń 133-shaqyrymynda 1982 jylǵy júrgizýshi «Volksvagen Passat» avtokóliginiń sol jaq dóńgelegi isten shyǵýyna baılanysty qarsy betke shyǵyp ketip, 1970 jylǵy azamat aıdap kele jatqan «HYUNDAI SANTAFE» kóligimen soqtyǵysýǵa jol bergen, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, sonyń saldarynan «Volksvagen Passat» avtokóliginiń júrgizýshisi túrli dene jaraqattarymen Aqjaıyq aýdandyq aýrýhanasyna jetkizilgen. Al ekinshi avtokólikte otyrǵan 1985 jylǵy azamatsha sol aýrýhanada kóz jumǵan.
Qazirgi kezde atalǵan jol-kólik oqıǵasy boıynsha QR QK 345-baby 3-bólimine sáıkes qylmystyq is qozǵalyp, tergeý amaldary júrgizilýde.
