BQO-da qos avtokólik soqtyǵysyp, tórt adam jaraqat aldy
ORAL. QazAqparat – Batys Qazaqstan oblysynda qos avtokólik túıisip, tórt adam jaraqat aldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin tús áletinde Oral-Kırsanov joly boıynda oryn aldy.
«Toyota Hilux» avtokóligi «GAZel» avtokóligimen soqtyǵysty.
Jol apaty saldarynan tórt adam Báıterek aýdany Darııan aýylyndaǵy aýrýhanaǵa jetkizildi. Aldyn ala málimet boıynsha onyń úsheýi jatqyzylǵan.
Qazirgi kezde oqıǵanyń sebep-saldary anyqtalý ústinde.
