BQO-da qos avtokólik soqtyǵysyp, bir adam kóz jumdy
ORAL. QazAqparat - Búgin tústen keıin Oral-Atyraý jolynyń 70-72-shaqyrymynda jol apaty boldy, dep habarlaıdy QazAqparat tilshisi.
Kýágerlerdiń sózine qaraǵanda, oqıǵa Zelenov aýdany ıAnaıkın aýyldyq okrýgine qarasty Bogatsk eldi mekeni tusynda bolǵan.
Deý-Neksııa men VAZ-2199 avtokólikteri betpe-bet soqtyǵysyp, sonyń saldarynan jasy seksenge jýyqtaǵan áıel adam oqıǵa ornynda kóz jumǵan. Aýyr jaraqat alǵan qos avtokóliktiń júrgizýshilerin jedel járdem brıgadasy alyp ketken.
Oǵan qosa Deý-Neksııa avtokóligi otqa orandy.
Qazirgi kezde oqıǵanyń mán-jaıy anyqtalyp jatyr.
Aıta keteıik, qazirgi kezde qolaısyz aýa raıyna baılanysty Batys Qazaqstan oblysynda barlyq baǵyttar boıynsha joldar jabyldy.
