BQO-da qos avtokólik órtenip, 7 adam janyp ketti
ORAL. QazAqparat - Batys Qazaqstan oblysynda qos avtokólik órtenip, 7 adam janyp ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, 30 shilde kúni saǵat 03.06-da Samara-Shymkent jolynyń 318-shaqyrymynda, Syrym aýdany aýmaǵynda «VAZ-2114» jáne «VAZ-2170» avtokólikteri túıisken. Sodan keıin qos kólik tolyqtaı órtenip ketken.
Oqıǵa ornyna BQO TJ departamentinen 1 qyzmetker men 1 tehnıka, «Órt sóndirýshi» AQ fılıalynan 9 qyzmetker jáne 1 tehnıka barǵan. Órt sóndirilgen. Qaza tapqandardyń kim ekeni anyqtalý ústinde.
BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, saǵat 03.15-te jedel járdem shaqyrylǵan. 7 adam órtengen. Múrdelerdi polıtsııa alyp ketken.
BQO ishki ister departamentiniń baspasóz qyzmeti bolǵan oqıǵany rastap, málimetti keıin beretindigin jetkizdi
Illıýstratsııalyq foto
