BQO-da kórshisin pyshaqpen jaraqattaǵan turǵyn sottaldy
ORAL. QazAqparat - Qaztalov aýdanynyń №2 soty azamat A-ǵa qatysty QR QK 106-baby 1-bóligimen (qasaqana aýyr dene jaraqatyn keltirý) qozǵalǵan iske núkte qoıdy, dep habarlaıdy «QazAqparat» tilshisi.
BQO sotynyń baspasóz qyzmetinen alynǵan málimetke qaraǵanda, atalǵan turǵyn masań kúıinde óziniń kórshisi N-men sózge kelgen. Janjal kezinde bir-birine balaǵat sózder aıtyp, aıyptalýshy pyshaqpen jábirlenýshiniń keýdesinen jáne ıyǵynan uryp jibergen. Sóıtip denesine aýyr zaqym keltirgen.
Sot otyrysynda sottalýshy men prokýror arasynda protsessýaldy kelisim jasaldy.
Sot úkimimen A. QR QK 106-baby 1-bóligine sáıkes aıypty dep tanylyp, onyń 3 jyl 6 aıǵa bas bostandyǵy shekteldi.
Úkim zańdy kúshine endi.
