BQO-da kórshisi 4 jáne 5 jastaǵy qyzdardy zorlaǵan - BAQ
TEREKTІ. QazAqparat – Batys Qazaqstan oblysy aýyldarynyń birinde 19 jastaǵy jigit eki kishkentaı qyzǵa seksýaldyq sıpattaǵy zorlyq-zombylyq kórsetti degen kúdikpen ustaldy, dep habarlaıdy QazAqparat.
Oblystyq Polıtsııa departamentinen málim etkendeı, fakti boıynsha sotqa deıingi tergeý amaldary bastaldy.
«Terekti aýdanynyń polıtsııa bólimi oblystyń eki turǵynynan túsken aryz boıynsha QR QK-niń 121-baby 4-bóligi (Seksýaldyq sıpattaǵy zorlyq-zombylyq áreketter) boıynsha sotqa deıingi tergep-tekserý jumystaryn bastady. Saraptamalar taǵaıyndaldy. Kúdikti ustaldy», - dedi departamentten.
«Habar 24» telearnasynyń habarlaýynsha, 19 jastaǵy jigit BQO-nyń Jańa ómir aýylynda kishkentaı qyzdardy zorlady degen kúdikpen qolǵa tústi. Zardap shekkender 4 jáne 5 jasta. Qazir olar aýrýhanada jatyr. Kúdiktiniń ózi olarmen kórshiles turǵan.
«Aldyn ala málimet boıynsha, ol kórshi úıde turǵan eki jas qyzdy zorlaǵan. Bul týraly 7 tamyz kúni qyzdardyń biri polıtsııada jumys isteıtin ákesine aıtqan soń belgili boldy. Jýrnalısterge bul týraly BQO qorǵaýshylar mekemesindegi derekkóz habarlady. Aýylda bul aqparatty belgisiz bolyp qalǵysy kelgen jergilikti turǵyn rastap berdi. Onyń aıtýynsha, eki qyzdyń bireýi qalada turady, biraq qylmys kezinde kentindegi týystaryna qonaqqa kelgen... Ustalǵan azamat jaqynda áskerden kelgen, áskerge deıin tóbeleske qatysqany úshin birneshe ret polıtsııaǵa jetkizilgeni belgili boldy. Búgin, 9 tamyzda, sot kúdiktige qatysty bultartpaý sharasyn qoldaný týraly sheshimin shyǵarýy tıis. Ol tergeý kezinde qamaýda bolady», - delingen aqparatta.
