BQO-da koronavırýsty emdeýge qajetti qural-jabdyq jetkilikti
ORAL. QazAqparat – Batys Qazaqstan oblysynda koronavırýsty emdeýge qajetti qural-jabdyqtar jetkilikti, dep habarlaıdy QazAqparat tilshisi.
Oblystyq densaýlyq saqtaý basqarmasy basshysynyń orynbasary Gúlnár Ábdirahmanovanyń óńirlik kommýnıkatsııalar qyzmetinde ótken brıfıngide málim etkenindeı, qazirgi tańda medıtsına uıymdarynda 185 ókpeni jasandy jeldetý apparaty, 645 ottegi kontsentratory, 1 063 oksımetr, 425 Bobrov apparaty bar.
Qazirgi tańda jalpy transfertter jáne jergilikti bıýdjet esebinen 15 ókpeni jasandy jeldetý apparaty, 49 ınfýzomat, 47 patsıent monıtory, 7 tsıfrly rentgen apparaty, basqa da kerekti qural-jabdyq ákelindi.
Medıtsına mekemelerinde jeke qorǵanys quraldarynyń 1,5 aıǵa jetetin qory bar.
Onyń sózine qaraǵanda, oblys bolýy yqtımal koronavırýstyń ekinshi tolqynyna daıyn.
Reseımen shekaradaǵy Tasqala, Jánibek, Aqsaı jáne Syrym sanıtarlyq beketteriniń janynan ashylǵan 185 oryndy tórt karantın statsıonarynda kúni búgin 27 adam jatyr.
Qosymsha rezerv esebinen Bókeı ordasy aýdanynda 16 tósekti juqpaly aýrýlar orny ashyldy. Qazir oblystyq juqpaly aýrýlar aýrýhanasy, oblystyq kópbeıindi aýrýhana jáne Bórli, Aqjaıyq, Jánibek, Báıterek jáne Bókeı ordasy aýdandyq aýrýhanalary bazasynda 349 tósek-oryn jeti juqpaly aýrýlar statsıonarynda 129 adam emdelýde. Sonyń ishinde 8 adam jansaqtaý bóliminde. Ókpeni jasandy jeldetý apparatyna qosylǵan adam joq.
Basqarma basshysynyń orynbasary QazAqparat tilshisiniń «Dáriger maman retinde Kavasakı tárizdi sındrom jóninde ne aıtar edińiz?» degen saýalyna da jaýap berdi.
«Kavasakı tárizdi sındrom – koronavırýspen aýyrǵan balalarda bolatyn asqynýdyń biri. Úsh-tórt aptadan keıin bul derttiń belgisi paıda bolýy múmkin. ıAǵnı 3-5 kúnniń ishinde balanyń 40 gradýsqa deıin qyzýy kóterilip, bórtpe, konıýktıvıt, asqazan men ishek joldarynyń zaqymdanýy, suıyq nájis, qusý sımptomdary kezdesedi. Osyndaı belgiler paıda bola qalǵan jaǵdaıda oblystyq balalar aýrýhanasynda em alady. Atalǵan aýrýhanada quramyna ınfektsıonıst, kardıolog, reanımatolog, pedıatr kiretin arnaıy top quryldy. Bul dertti de emdeýge qajetti dári-dármek bar. Óńirde Kavasakı tárizdi sındromǵa shaldyqqan bala tirkelgen joq», - dedi G.Ábdirahmanova.
Eske sala keteıik, budan buryn BQO-da qarasha aıynda 80-ge jýyq nysannyń sanıtarlyq talapty buzǵanyn jazǵan bolatynbyz.
