BQO-da koronavırýstan jazylǵan ózge óńir turǵyndary úılerine qaıtýda
ORAL. QazAqparat – Batys Qazaqstan oblysynda taǵy 10 adam koronavırýstan emdelip shyqty, dep habarlaıdy QazAqparat tilshisi.
Búgin elimizde indetten 62 adam saýyqqanyn buǵan deıin habarlaǵan bolatynbyz. Onyń ishinde BQO-dan 10 naýqas bar.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, olardyń tórteýi – Tasqala aýdanynyń, ekeýi – Oral qalasynyń turǵyndary.
Sondaı-aq Túrkistan oblysynan - 2, Qyzylorda men Aqtóbeden bir-bir adamnan bar.
«Endi emdelip shyqqandar úı karantıninde bolady. Túrkistan, Qyzylorda, Aqtóbe turǵyndary elderine taksımen jetedi. Aýrýhanada qalǵan naýqastardyń jaǵdaıy jeńil jáne ortasha halde», - dedi QazAqparat tilshisine N.Ahmetova.
Osylaısha BQO-da emdelip shyqqandar sany 96-ǵa jetti.
Eske sala keteıik, BQO-da koronavırýs juqtyrýdyń sońǵy jaǵdaılary Teńiz ken ornynan kelgen alty adamnan anyqtalǵan bolatyn.
