BQO-da koronavırýstan qaıtys bolǵandar boıynsha málimet jarııalandy

ORAL. QazAqparat – Batys Qazaqstan oblysynda bıyl 137 adam koronavırýstan kóz jumdy, dep habarlaıdy QazAqparat tilshisi.

BQO Densaýlyq saqtaý basqarmasy basshysynyń mindetin atqarýshy Arman Qalıbekovtiń málim etkenindeı, koronavırýstan ólim jaǵdaılarynyń 28-i – qańtarda, 15-i – aqpanda, 30-y – naýryzda, 42-si – sáýirde, 20-sy mamyr aıynda tirkeldi.

Qaıtys bolǵandardyń 73-i (53,3 paıyzy) – áıelder, 64-i (46,7 paıyzy) – er adamdar. Olardyń 121-i (88,3 paıyzy) qala, 16-sy (11,7 paıyzy) aýdandar turǵyndary. 70 paıyzy – 65-ten asqandar, 29 paıyzy – 40-65 jas aralyǵyndaǵylar, bireýiniń jasy qyryqqa jetpegen. 98 paıyzynda (129) sozylmaly dertteri boldy, sonyń ishinde 69 paıyzy júrek-qan tamyrlary, 13 paıyzy qant dıabeti, 19 paıyzy basqa aýrýǵa shaldyqqan.

Arman Talǵatulynyń sózine qaraǵanda, osy kezge deıin oblysta 20768 adam indet juqtyrsa, sonyń 16187-si jazylyp shyqty. Qaıtys bolǵandardyń jalpy sany 303-ke jetti.

«Qazirgi ýaqytta 195 tósektik 4 karantındik statsıonarda 11 naýqas emdelýde.

1123 tósektik 18 ınfektsııalyq statsıonarda 518 adam em qabyldaýda. Qańtar aıynyń ortasynan bastap ınfektsııalyq statsıonarlardyń tolýy 53 paıyzǵa ósken. Qazirgi tańda 29 naýqas jansaqtaý bóliminde bolsa, sonyń ekeýi – 50-ge deıingiler, 8-i – 50-60, 13-i – 60-80 jas aralyǵyndaǵylar, altaýy – seksennen asqandar. 26 naýqastyń 23-i júrek-qan tamyrlary aýrýlary, úsheýi qant dıabetine shaldyqqan», dedi A.Qalıbekov.

Eske sala keteıik, budan buryn BQO-da tórt kúnde 400-den astam adamnan koronavırýs anyqtalǵanyn jazǵan bolatynbyz.