BQO-da koronavırýstan qaıtqan qarııa aýrýhanaǵa óte aýyr jaǵdaıda túsken
ORAL. QazAqparat - Batys Qazaqstan oblysynda koronavırýstan qaıtqan 82 jastaǵy qarııa aýrýhanaǵa óte aýyr jaǵdaıda túsken, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, 1932 jylǵy óńir turǵyny 5 maýsym kúni oblystyq juqpaly aýrýlar aýrýhanasyna jatqyzylǵan.
Ol negizgi syrqatyna qosa qant dıabeti jáne ıshemııalyq júrek aýrýymen aýyrǵan. Jansaqtaý sharalary nátıje bermeı, qarııa 10 maýsym kúni kóz jumdy. Dıagnozy: COVID-19-tiń aýyr túri, ekijaqty pnevmonııa.
Osylaısha BQO-da qaıtqandar sany tórteýge jetti.
Eske sala keteıik, budvn buryn BQO-da 15 maýsymnan bastap qandaı shekteý sharalary engiziletinin jazǵan bolatynbyz.
