BQO-da koronavırýsqa shaldyqqandar ishinde 9 bala bar
ORAL. QazAqparat – Batys Qazaqstan oblysynda koronavırýs juqtyrǵandar sany 360-qa jetse, sonyń 214-i Oral qalasynda tirkeldi, dep habarlaıdy QazAqparat tilshisi.
Oral qalasynyń ákimi Abat Shynybekov málim etkendeı, 81 adam – Reseıden, al 55-i – Atyraýdan kelgender.
Tórt adam aýyr halde.
«Eger alǵashqy kezde juqtyrýshylar sany syrttan kelgenderden quralǵan bolsa, sońǵy qala men aýdan turǵyndary arasynda taralyp jatyr. Olardyń ishinde 9 bala bolsa, sonyń bireýi bir jasta. Koronavırýs ınfektsııasyn 9 polıtseı, 56 medıtsına qyzmetkeri, 5 zeınetker, 3 stýdent juqtyrǵan. Qalyptasqan jaǵdaıdyń kúrdeli ekendigin eskere otyryp, qala turǵyndaryn karantındik-sanıtarlyq talaptardy saqtaýǵa shaqyramyn. Turǵyndar barynsha ózin oqshaý ustaýǵa, aralas-quralastyqty azaıtýǵa, asa qajettilik bolmasa, úıden shyqpaýǵa, ózge adamdarmen baılanysty shekteýge umtylǵany abzal. Kóp jaǵdaıda koronavırýs ınfektsııasy aýrý belgilerinsiz ótkenimen, ózgelerge juǵýy múmkin. Qalada karantın rejımi saqtalǵanyn eskere otyryp, qaýipsizdik sharalary – qorǵanys maskasy men qolǵabyn kıip, antıseptıkti qoldanýdy umytpaý kerek», dedi Abat Shynybekov.
Oblystyq juqpaly aýrýlar aýrýhanasynyń dırektory Nadııa Ahmetovanyń naqtylaýynsha, 9 balanyń da aýrýy baıqalmaı ótýde. Sonyń ishinde bir jasqa deıingi bala úı karantıninde jatyr.
«Qazaqstannyń bas memlekettik sanıtar dárigeriniń qaýlysyna sáıkes aýrý belgisi baıqalmaıtyndar tekserilgennen keıin emhana dárigerleriniń baqylaýymen úı karantıninde bola alady», dedi QazAqparat tilshisine N.Ahmetova.
BQO ákimdiginen alynǵan málimetke qaraǵanda, sońǵy tirkelgen 8 naýqastyń úsheýi – Reseıde jumys isteıtin oblys turǵyndary. Bes adam – buryn koronavırýs juqtyrǵandarmen baılanysta bolǵandar.
Óńirde aýyrǵan 360 adamnyń 210-y jazylyp shyqty.
Eske sala keteıik, budan buryn BQO-da barlyǵy 78 aýrý oshaǵy anyqtalǵanyn jazǵan bolatynbyz.
