BQO-da koronavırýsqa shaldyqqandar 11 ınfektsııalyq statsıonarda em qabyldaýda

ORAL. QazAqparat – Batys Qazaqstan oblysynda 1110 tósektik 11 ınfektsııalyq statsıonarda koronavırýsqa shaldyqqan 631 naýqas jatyr, dep habarlaıdy QazAqparat tilshisi.

BQO Densaýlyq saqtaý basqarmasynan málim etkenindeı, sonyń ishinde 31-i jansaqtaý bóliminde em alýda.

Oblysta osy kezge deıin 17738 adam koronavırýs juqtyryp, sonyń 14070-i saýyǵyp shyqty. 267 adam kóz jumdy.

Sońǵy táýlikte - 231, bir aptada 1125 adam tirkeldi.

Pnevmonııamen aýyrǵan 479 adam statsıonarda, 42-si ambýlatorlyq em alýda.

Invazıvti jasandy tynys alý apparatyna - 7, ınvazıvti emes qurylǵyǵa - 5, ottegi kontsentratoryna - 24, ortalyqtandyrylǵan ottegi kózine 132 adam qosylǵan.

Basqarma málimetine qaraǵanda, jyl basynan beri 619 bala koronavırýs juqtyrǵan.

«Oblysta indetke qarsy egý jumystary jalǵasýda. Kúni búginge deıin 23870 adam vaktsınanyń birinshi, 5014-i ekinshi komponentimen egildi», dep habarlady BQO densaýlyq saqtaý basqarmasy.

Eske sala keteıik, budan buryn Batys Qazaqstan oblysynda 24 myńǵa jýyq adam koronavırýsqa qarsy ekpe saldyrǵanyn jazǵan bolatynbyz.