BQO-da koronavırýsqa shaldyqqan 34 naýqas jansaqtaý bóliminde jatyr
ORAL. QazAqparat – Batys Qazaqstan oblysynda koronavırýsqa shaldyqqan 34 naýqas jansaqtaý bóliminde jatyr, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, óńirde 1123 tósektik 18 ınfektsııalyq statsıonarda emdelip jatqandar sany 441-ge jetti.
Sonyń ishinde Oral qalasynda 600 tósektik 5 statsıonarda 362 naýqas jatyr.
Sońǵy aptada aldyńǵymen salystyrǵanda, aýrý juqtyrý kórsetkishi 5,7 paıyzǵa (30 adamǵa) tómendegenimen, aýrýhanaǵa túsip jatqandar sany azaıyp otyrǵan joq.
Oblysta jyl basynan beri 14867 adam indet juqtyrsa, sonyń 55,5 paıyzy (8262) Oral qalasynda, 14,3 paıyzy (2130) Báıterek, 11,1 paıyzy (1662) Bórli aýdanynda tirkelip otyr.
Sońǵy táýlikte 66 adamnan koronavırýs tabylsa, 48-i emdelip shyqty.
Іndet bastalǵannan beri 24088 naýqas tirkelse, sonyń 19218-i jazylyp shyqty. Sonyń ishinde 8925-i statsıonarda, 10293-i ambýlatorlyq em aldy. 351 adam ómirden ozdy.
Oblys boıynsha 82198 adam koronavırýsqa qarsy vaktsınanyń birinshi, 49744-i ekinshi komponentimen egildi.
Eske sala keteıik, budan buryn Batys Qazaqstanda koronavırýs juqtyrǵan 430 adamnyń statsıonarda emdelip jatyrǵanyn jazǵan edik.
