BQO-da koronavırýsqa qarsy ekpe alǵandar sany 20 myńnan asty
ORAL. QazAqparat – Batys Qazaqstan oblysynda koronavırýsqa qarsy ekpe alǵandar sany 20 myńnan asty, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, vaktsınatsııa bastalǵannan beri óńirge 34300 doza (24150-i – birinshi, 10150-i – ekinshi komponent) jetkizildi.
Kúni búginge deıin 20105 adam І komponentpen egilse, sonyń 5137-si – medıtsına qyzmetkerleri, 3740-i – pedagogtar, 1631-i – quqyq qorǵaý, 9597-si – basqa sala ókilderi.
Sondaı-aq 4109 adam ekpeniń ІІ komponentin aldy.
2 sáýir kúni túsken 10150 doza (І komponent) túgeldeı jumsaldy. BQO sanıtarlyq-epıdemıologııalyq baqylaý departamenti málimetine qaraǵanda, ekpe alǵan 10150 adamnyń 4200-i – medıtsına qyzmetkerleri, 2445-i – pedagogtar, 875-i – quqyq qorǵaý organdarynyń ókilderi, 2630-y – basqalar.
Sonymen qatar 9 sáýir kúni túsken 14 myń doza da (І komponent) medıtsına uıymdaryna bólinip berildi. Osydan keshe 2890 adam egildi.
Jalpy, bul partııadan 9955 adam (71,1 paıyz) vaktsınanyń І komponentin aldy.
«Oblysqa osy aıda taǵy 35 myń doza vaktsına jetkizilmek. Óńirde egý kabınetteri 7 memlekettik qalalyq emhanada, 7 jeke klınıkada, sondaı-aq 15 aýdandyq, 1 aýyldyq aýrýhanada jumys jasaýda», dep habarlady oblystyq densaýlyq saqtaý basqarmasynan.
Eske sala keteıik, budan buryn Batys Qazaqstanda bir kúnde 3 myńnan astam adamnyń indetke qarsy egilgenin, bir aptada 821 adamnan koronavırýs tabylǵanyn jazǵan bolatynbyz.
Sondaı-aq tórtinshi toqsanda 115 oqýshydan koronavırýs tabyldy.
