BQO-da koronavırýs juqtyrý kórsetkishi 58 paıyzǵa tómendedi
BQO densaýlyq saqtaý basqarmasy málim etkenindeı, sońǵy táýlikte birde-bir naýqas tirkelmegen, 282 adam jazylyp shyqty.
Qazirgi tańda 751 tósektik 14 ınfektsııalyq statsıonarda 11 naýqas jatsa, sonyń 9-y Oral qalasyndaǵy aýrýhanalarda. Jansaqtaý bólimshesindegi 4 adamnyń ekeýi aýyr, ekeýi asa aýyr halde.
Jyl basynan beri 43, sonyń ishinde sońǵy aptada 1 naýqas koronavırýstan kóz jumdy.
Basqarmadan túsken málimetke qaraǵanda, vaktsınatsııa bastalǵannan beri oblys boıynsha 272 914 adam (bul – jospardyń 65,9 paıyzy) birinshi, 260 833-i (62,9 paıyzy) ekinshi komponentpen egildi.
Kúni búgin oblysta 55 429 doza І, 114 235 doza ІІ komponent bar.
Óńirde 66 189 adam revaktsınatsııadan ótti.
Pfizer kompanııasynyń vaktsınasyn 10 623 adam qabyldasa, sonyń 397-si – júkti, 4 705-i – bala emizetin áıelder, 5 514-i – jasóspirimder, jeteýi – múgedekter.
Eske sala keteıik, budan buryn Batys Qazaqstanda 66 myńnan astam adamnyń revaktsınatsııadan ótkenin jazǵan bolatynbyz.
