BQO-da koronavırýs juqtyrǵandardyń teń jartysyna jýyǵy Oralda anyqtalyp otyr
ORAL. QazAqparat - Batys Qazaqstan oblysynda koronavırýs juqtyrǵandardyń teń jartysyna jýyǵy Oralda anyqtalyp otyr, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamentiniń baspasóz qyzmetinen túsken málimetke qaraǵanda, sońǵy tórt kúnde oblysta 387 adamnan vırýs tabylsa, sonyń 280-inde aýrý belgileri bar, 107-si - sımptomy joqtar.
Aýyrǵandardyń 227-si JRVI belgileri boıynsha tekserilgen. 118-i buryn koronavırýs juqtyrǵandarmen baılanysta bolǵan. 38-i profılaktıkalyq maqsatta qaralsa, tórteýinen statsıonarǵa jatqyzar aldynda synama alynǵan.
Tórt táýlikte tirkelgen 387 adamnyń 187-si Oral qalasy, sondaı-aq 71-i Báıterek, 45-i Bórli, 22-si Tasqala, 20-sy Terekti aýdanynyń úlesine tıedi.
«Іndet bastalǵaly beri óńirde barlyǵy 21890 naýqas tirkelip, sonyń 16947-si jazylyp shyqty. 324 adam kóz jumdy. Oblys qyzyl aımaqta turǵandyqtan, karantındik shekteý sharalary jalǵasýda. Monıtorıngtik toptar da jumys jasaýda», dep habarlady vedomstvodan.
Eske sala keteıik, budan buryn BQO-da 250 muǵalimnen koronavırýs anyqtalǵanyn jazǵan bolatynbyz.
