BQO-da koronavırýs juqtyrǵandardyń deni – vaktsına almaǵandar
BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, sonyń 1073-i – vaktsına almaǵandar.
Aýyrǵandardyń 55 paıyzy (669) JRVI belgileri boıynsha tekserilgen kezde anyqtaldy. 27 paıyzy (324) buryn syrqattanǵandarmen qarym-qatynasta bolǵan. 17 paıyzynan (214) profılaktıkalyq maqsatta, 1 paıyzynan (10) statsıonarǵa jatqyzar aldynda synama alynǵan.
Іndetti 41-60 jas aralyǵyndaǵylar (295) kóbirek juqtyrýda.
Departament málimetine qaraǵanda, osy aıda «Ashuq» jobasy boıynsha úılerinde oqshaýlanýy tıis 85 adamnyń karantın talabyn buzǵany belgili boldy. Sonyń 75-i – «qyzyl», 10-y – «sary» mártebesi bar adamdar.
Bıylǵy 12 maýsymnan beri «qyzyl» mártebesi bar adamdarǵa 6,3 mln astam teńge kóleminde 145 aıyppul salyndy.
Jyl basynan beri óńirde 29 468 naýqas tirkeldi, bul 100 myń turǵynǵa shaqqanda, 4461,2-den keledi.
Sońǵy aptada (19-25 qazan) aldyńǵymen (12-18 qazan) salystyrǵanda, koronavırýs juqtyrý 9,3 paıyzǵa (334-ten 303-ke) azaıdy.
Oblysta tumaýǵa qarsy vaktsınatsııalaý jumystary da júrgizilýde. Kúni búginge deıin jergilikti bıýdjet qarjysy esebinen 45 622 adam egilse, sonyń 6256-sy – 14 jasqa deıingi balalar, 39 366-sy – eresek adamdar.
Eske sala keteıik, budan buryn BQO-da sońǵy aptada koronavırýs juqtyrǵandar sany 9,2 paıyzǵa tómendegenin jazǵan bolatynbyz.