BQO-da koronavırýs juqtyrǵandar sany myńǵa jýyqtady
ORAL. QazAqparat – Batys Qazaqstan oblysynda koronavırýs juqtyrǵandar sany myńǵa jýyqtady, dep habarlaıdy QazAqparat tilshisi.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindeı, óńirde epıdemıologııalyq ahýal turaqsyz bolyp otyr.
Oblysta koronavırýs juqpasymen 991 adam tirkelse, sonyń 48-i – balalar.
Oral qalasynda 834 adamnyń aýyrǵany belgili bolsa, sondaı-aq aýdandardyń barlyǵynda koronavırýs juqtyrǵandar anyqtaldy. Aýdandar boıynsha eń kóbi qalaǵa irgeles Báıterek aýdanynda – 44. Sondaı-aq Tasqalada – 30, Terektide – 20, Bórlide – 17, Syrymda – 16, Jánibekte – 12, Aqjaıyq pen Jańaqalada – 5, Bókeı ordasynda – 3, Qaratóbe men Shyńǵyrlaýda – 2, Qaztalovta 1 adam tirkeldi.
15 maýsym kúni anyqtalǵan 24 naýqastyń (ósim – 2,5 paıyz) 9-y – buryn koronavırýs juqtyrǵandarmen baılanysta bolǵandar. 15-inen epıdemıologııalyq kórsetkish boıynsha synama alynǵan. Sońǵy aýyrǵandardyń 15-i – Oral qalasynyń turǵyndary.
«Kúni búginge deıin oblysta 566 adam jazylyp shyqty. Qazirgi tańda 50 adam provızorlyq, 116-sy karantındik statsıonarda jatsa, úılerinde oqshaýlanǵan 992 adam dárigerlerdiń baqylaýynda», dep habarlady departamenttiń baspasóz qyzmeti.
Eske sala keteıik, budan buryn BQO-da 16 adamnyń aýyr halde jatqanyn jazǵan bolatynbyz.
