BQO-da koronavırýs juqtyrǵan sońǵy eki naýqas ta Teńiz ken ornynan kelgen bolyp shyqty
ORAL. QazAqparat – Batys Qazaqstan oblysynda koronavırýs juqtyrǵan sońǵy eki naýqas ta Teńiz ken ornynan kelgen bolyp shyqty, dep habarlaıdy QazAqparat tilshisi.
BQO ákimdigi málim etkenindeı, olar – 1968 jáne 1978 jylǵy oblys turǵyndary.
Kórshi óńirden kelgennen keıin karantındik statsıonarǵa jatqyzylyp, zerthanalyq synama alynǵan.
PTR dıagnostıkalyq zertteý qorytyndysymen ekeýinde de COVID-19 dıagnozy rastalyp, oblystyq juqpaly aýrýlar aýrýhanasyna ornalastyryldy.
Naýqastarmen qarym-qatynasta bolǵandar anyqtalyp, medıtsınalyq baqylaýǵa alyndy.
Aýrý oshaqtarynda dezınfektsııalyq jumystar júrgizildi.
Іndetke qarsy kúres sharalary jalǵasýda.
Osylaısha BQO-da aýyrǵandar sany 215-ke jetti. Olardyń basym kópshiligi – Reseıden kelgender. Degenmen sońǵy kezde Teńiz ken ornynan kelgender arasynda aýrý juqtyrǵandar kóbeıip barady.
Eske sala keteıik, budan buryn BQO-da bir kúnde 18 adamnyń jazylyp shyqqanyn, Teńiz ken ornynan kelgen turǵynnan koronavırýs anyqtalǵanyn jazǵan bolatynbyz.
