BQO-da koronavırýs juqtyrǵan sońǵy bes naýqastyń tórteýi Reseıden kelgen
ORAL. QazAqparat – Batys Qazaqstan oblysynda koronavırýs juqtyrǵan sońǵy bes naýqastyń tórteýi Reseıden kelgen, dep habarlaıdy QazAqparat tilshisi.
Memlekettik komıssııanyń shuǵyl shtabynan alynǵan málimetke qaraǵanda, tórteýi de – Reseıde jumys isteıtin qazaqstandyqtar.
Ekeýi Túrkistan oblysynyń 41 jáne 45 jastaǵy azamattary bolsa, bireýi – 20 jastaǵy shymkenttik, taǵy bireýi – 45 jastaǵy oraldyq turǵyn.
Saratov oblysymen shektesetin «Tasqala» avtoótkelinen ótken kezde densaýlyqtaryna shaǵymy bolmaǵanmen, algorıtmge sáıkes jedel járdem shaqyrylyp, karantındik statsıonarǵa jatqyzylǵan.
Sondaı-aq koronavırýs Oral qalasynyń 34 jastaǵy turǵynynan anyqtalyp otyr. Ol buryn aýyrǵan adammen qarym-qatynasta bolǵan.
PTR dıagnostıkalyq zertteý qorytyndysymen beseýinde de COVID-19 dıagnozy rastalyp, oblystyq juqpaly aýrýlar aýrýhanasyna ornalastyryldy.
Aýrý oshaqtarynda dezınfektsııalyq jumystar júrgizilip, naýqastarmen baılanysta bolǵandar medıtsınalyq baqylaýǵa alyndy.
Osylaısha BQO-da syrqattanǵandar sany 249-ǵa jetip, sonyń 96-sy emdelip shyqty.
Eske sala keteıik, budan buryn BQO-da taǵy alty adamnyń jazylyp shyqqanyn, koronavırýstan emdelgen ózge óńir turǵyndarynyń elderine qaıtyp jatqanyn jazǵan bolatynbyz.
