BQO-da koronavırýs juqtyrǵan sońǵy 6 naýqas ta Teńiz ken ornynan kelgen
ORAL. QazAqparat – Batys Qazaqstan oblysynda koronavırýs juqtyrǵan sońǵy 6 naýqas ta Teńiz ken ornynan kelgen, dep habarlaıdy QazAqparat tilshisi.
BQO ákimdigi málim etkenindeı, olardyń barlyǵy da – Teńiz kenishinde jumys isteıtin oblys turǵyndary.
Atyraý oblysynan kelýine baılanysty karantındik statsıonarǵa jetkizilgen. Zerthanalyq synama alynǵannan keıin báriniń koronavırýs juqtyrǵany anyqtalyp, oblystyq juqpaly aýrýlar aýrýhanasyna jatqyzyldy.
Syrqattanǵandarmen qarym-qatynasta bolǵandar medıtsınalyq baqylaýǵa alynyp, aýrý oshaqtarynda dezınfektsııalyq jumystar júrgizildi.
Osylaısha BQO-da aýyrǵandar sany 224-ke jetip, sonyń 80-i emdelip shyqty. Koronavırýs juqtyrǵandardyń basym kópshiligi – Reseıden kelgender. 27-si – Teńiz ken ornynda jumys isteıtin óńir turǵyndary.
Eske sala keteıik, budan buryn Batys Qazaqstanda Teńiz ken ornynan kelgen taǵy bir adamnan koronavırýs anyqtalǵanyn, taǵy segiz adamnyń emdelip shyqqanyn jazǵan bolatynbyz.
