BQO-da koronavırýs juqtyrǵan naýqas –Shymkent turǵyny
ORAL. QazAqparat – Batys Qazaqstan oblysynda koronavırýs juqtyrǵan sońǵy naýqas Reseıden kelgen shymkenttik turǵyn bolyp shyqty, dep habarlaıdy QazAqparat tilshisi.
Óńirde koronavırýs juqtyrǵan sońǵy naýqas – Reseıde vahtalyq ádispen jumys isteıtin Shymkent qalasynyń 40 jastaǵy turǵyny.
Samara oblysymen shektesetin «Syrym» beketinen ótken kezde onyń densaýlyǵyna shaǵymy bolmaǵan. Degenmen ol jedel járdemmen karantındik statsıonarǵa jetkizildi.
Zerthanalyq synama qorytyndysymen odan koronavırýs anyqtalyp, oblystyq juqpaly aýrýlar aýrýhanasyna jatqyzyldy.
Dezınfektsııalyq jumystar júrgizildi. Epıdemııaǵa qarsy sharalar jalǵasýda.
Osylaısha BQO-da aýyrǵandar sany 64-ke jetip, sonyń ekeýi jazylyp shyqty. Syrqattanǵandardyń 56-sy – shetten kelgender.
Eske sala keteıik, budan buryn BQO-nyń Tasqala aýdanynda karantındik jáne provızorlyq statsıonar ashylǵanyn jazǵan bolatynbyz.
