BQO-da koronavırýs juqtyrǵan naýqas aýrýhanadan shyǵýǵa daıyndalyp jatyr
ORAL. QazAqparat – Batys Qazaqstan oblysynda koronavırýspen aýyrǵan naýqastyń bireýiniń jazylyp shyǵýy jaqyn, dep habarlaıdy QazAqparat tilshisi.
Oblystyq densaýlyq saqtaý basqarmasynyń basshysy Bolatbek Kaıýpov brıfıngte málim etkendeı, qazirgi kezde oblystyq juqpaly aýrýlar aýrýhanasynda tórt emdelýshi jatyr.
«Báriniń de jaǵdaıy turaqty. Sonyń ishinde bir áıel aýrýhanadan shyǵýǵa daıyndalýda. Odan eki ret baqylaý synamasy alynyp, koronavırýstyń joqtyǵyn kórsetti. Endi komıssııa oń sheshim qabyldasa, úıinde karantındik em alýdy jalǵastyrady», dedi B.Kaıýpov.
B.Kaıýpovtyń aıtýynsha, oblysta 92 adam statsıonarlyq karantınde jatyr. 3608 adam úıden baqylanýda.
Eske sala keteıik, budan buryn BQO-da koronavırýs juqtyrǵan eki adamnyń Ózbekstan azamaty bolyp shyqqanyn jazǵan bolatynbyz.
