BQO-da koronavırýs juqtyrǵan 800-den astam adam ambýlatorlyq em alyp jatyr
BQO densaýlyq saqtaý basqarmasynyń baspasóz qyzmeti málim etkenindeı, sońǵy aptada aldyńǵymen salystyrǵanda, indet juqtyrý kórsetkishi 12,2 paıyzǵa tómendedi.
Sońǵy táýlikte 40 adamnan koronavırýs anyqtaldy.
Qazirgi kezde ınfektsııalyq statsıonarlarda 235 patsıent em qabyldaýda. Sonyń 136-sy modýldik statsıonarda, 70-i oblystyq juqpaly aýrýlar aýrýhanasynda. Sonyń ishinde 23-i aýyr halde bolǵanymen, olardyń arasynda ınvazıvti jasandy tynys alý apparatyna qosylǵandar joq.
Pandemııa bastalǵannan beri barlyǵy 38 429 naýqas tirkeldi. Jyl basynan beri anyqtalǵan 29 208 naýqastyń 20 183-inde aýrý belgileri boldy.
Bıyl aýyrǵan 2800 balanyń 2726-sy jazylyp shyqsa, 94-i emdelý ústinde.
Basqarma málimetine qaraǵanda, ótken táýlikte 659 adam vaktsınanyń birinshi komponentimen egilse, sonyń 47-si – sozylmaly syrqaty barlar.
Vaktsınatsııa bastalǵannan beri 231 266 adam birinshi komponentti qabyldady, bul – egilýge tıisti turǵyndardyń 55,8 paıyzy.
Eske sala keteıik, budan buryn BQO-da koronavırýspen aýrýhanaǵa túskenderdiń 95 paıyzy vaktsına almaǵandar ekenin, BQO mekemeleri vaktsınalanbaǵan qyzmetkerleri úshin aıyppul tóleıtinin jazǵan bolatynbyz.
